Ўлас Дубіна

Дубіна Ўлас Васільеў, ураджэнец в. Ісерна Слуцкага павету. У беларускім нацыянальным руху з 1917 г. Актывіст БПСР, сябра Белнацкаму Случчыны і таварыства "Папараць-Кветка".

Сябра Беларускае Рады Случчыны Ўлас Дубіна

У лістападзе 1920 г. на зьезьдзе Случчыны абраны ў склад Беларускае Рады Случчыны. Пасьля антыбальшавіцкага збройнага чыну - у Заходняй Беларусі, арыштоўваўся польскаю дэфэнзываю, як інструктар Віленскага Белнацкаму арганізоўваў нацыянальныя школы, культурна-асьветныя гурткі і каапэратывы ў Ашмянскім ды Лідзкім паветах, адначасова праводзячы эсэраўскую агітацыю. У 1922 г. у ліку "33-х" высланы польскімі ўладамі ў Літву. 3 1923 г. у Савецкай Беларусі, працаваў у саўгасе в.Гнойны Рак. Удзельнічаў у ліквідацыйным зьезьдзе БПСР у 1924 г. У 1933 г. арыштаваны ГПУ і высланы за межы БССР. Іншых зьвестак ня выяўлена.

Крыніца: Слуцкі збройны чын 1920 г. у дакумэнтах і ўспамінах - Мінск : Медысонт, 2006. - 400 с.