У траўні па-ангельску выйдзе кніга Алеся Белага «Беларуская кухня»

Пра гэта паведамляе міжнародная бібліятэчная рассылка hippocrenebooks.com

"Беларусь мае надзвычай багатыя і ўнікальныя кулінарныя традыцыі. Беларускі гісторык Аляксандар Белы выдатна рэканструюе традыцыйныя рэцэпты -- як сялянскія, так і арыстакратачныя, апісвае традыцыі нацыянальнай кулінарыі, што амаль зьніклі падчас складанага мінулага стагодзьдзя".

Гэтая кніга - выдатнае дасьледаваньне па беларускай гісторыі і ежы, што зьведала габрэйскі ўплыў, - зазначаецца ў анатацыі да кнігі.

Кніга ўключае разьдзелы пра закускі, супы, клёцкі, асноўныя стравы, дэсэрты, напоі, такія традыцыйныя беларускія стравы як боршч і халаднік, гусь, фаршыраваная кашай і грыбамі, панцакі і калдуны, алькагольны напоі ды інш.

Прыводзіцца таксама 190 простых у гатаваньні рэцэптаў, а таксама калядныя і велікодныя стравы.

Як вядома, Алесь Белы вядзе ў "НН" рубрыку "Наша страва" і рыхтуе кнігу на яе аснове, што мае выйсьці па-беларуску ў красавіку.

Крыніца: "Наша Ніва"
http://nn.by/index.php?c=ar&i=14204