Гістарычныя навіны

Плануецца рэканструкцыя менскага замчышча

30.01.2008

У рамках добраўпарадкаваньня сталічнага праспэкту Машэрава (цяперашні Пераможцаў), якое будзе праводзіцца ў найбліжэйшыя гады, мяркуецца ажыцьцявіць цікавы праект па рэканструкцыі менскага замчышча.

Яго адметная рыса - будаўніцтва падземнага музэю гісторыі й археалёгіі гораду й разьмяшчэньне на ягонай базе гісторыка-архіўнага цэнтру. Гэты комплекс будзе займацца музэйнай і культурна-адукацыйнай дзейнасьцю.

Часткова музэй разьмесьціцца і на паверхні, дзе плянуецца пабудаваць прагулачныя тэрасы, якія адначасова будуць адкрытымі экспазыцыйнымі пляцоўкамі. Ролю асноўных кампазыцыйных дэталяў тут сыграюць праход да падножжа ўчастка гістарычнага валу й узноўленая драўляная брама, якая адкрывае шлях да дзядзінца - цэнтральнай умацаванай часткі старажытнага гораду.

У плянах праекту таксама пазначана вывядзеньне на паверхню адцінка ракі Нямігі, якая цяпер схаваная ў падземны калектар.

Крыніца: "Наша Ніва"
http://www.nn.by/index.php?c=ar&i=14683

Спадабаўся матэрыял? Падзяліцеся з сябрамі!

«Папярэдняя |  Усе за дзень  | Наступная»
Каментары чытачоў
Няма каментароў. Ваш каментар будзе першы.

Вы можаце пакінуць свой каментар, уласную думку ці пытанне па выкладзенаму вышэй матэрыялу.