У Берасьці ўшанавалі памяць Аляксандра Цьвікевіча
У рэдакцыі газэты “Берасьцейскі кур’ер” адбыўся круглы стол, прысьвечаны памяці навукоўца й грамадзкага дзеяча, аднаго з прэм’ер-міністраў і міністра замежных справаў ва ўрадзе Беларускай Народнай Рэспублікі Аляксандра Цьвікевіча.
Аляксандр Цьвікевіч нарадзіўся ў Берасьці 22 чэрвеня 1883 года. Ён зьяўляўся адным з заснавальнікаў Беларускай народнай грамады. У 1918 годзе, пасьля непрызнаньня паўнамоцтваў беларускай дэлегацыі, удзельнічаў у Берасьцейскай мірнай дамове ў складзе Украінскай Народнай Рэспублікі. У наступныя гады на эміграцыі актыўна выступаў за міжнароднае прызнаньне БНР. Але потым пад уплывам палітыкі беларусізацыі стаў прыхільна ставіцца да Савецкай Беларусі й вярнуўся на радзіму. У выніку спачатку быў арыштаваны, а затым расстраляны ў 1937 годзе.
На паседжаньне круглага стала былі запрошаныя такія вядомыя асобы, як менскі гісторык Анатоль Сідарэвіч і берасьцейскі гісторык прафэсар Міхаіл Стралец. Рэдакцыйны круглы стол быў прысьвечаны 125-м угодкам з дня нараджэньня Аляксандра Цьвікевіча і 90-м угодкам Беларускай Народнай Рэспублікі.
Жыве Беларусь
Дзяржаўны дзеяч Рэчы Паспалітай, кампазітар, удзельнік паўстання 1794 года…
Пасьля 6 тыдняў супрацьстаяння падпісаны мірны дагавор паміж Рэччу Паспалітай і Турэччынай…
Гісторыя - настаўніца жыцьця
Historia magistra vitae
(Марк Тулій)
Што ёсць гісторыя, як не байка, у якую дамовіліся паверыць
(Напалеон Банапарт)