Прэзентацыя твораў Адама Станкевіча ў Гародні

4 кастрычніка ў капліцы рыма-каталіцкай парафіі Аўгустовак (вул. Рэпіна) у 19.30 адбудзецца прэзэнтацыя віртуальнай энцыкляпэдыі "Нашы Касьцёлы" і збору твораў знакамітага беларускага сьвятара пачатку ХХ ст., аднаго са стваральнікаў беларускага хрысьціянска-дэмакратычнага руху - ксяндза Адама Станкевіча "З Богам да Беларусі".

У праграме дэманстрацыя матэрыялаў віртуальнай энцыкляпэдыі (яна ўключае фатаздымкі некалькі тысячаў храмаў Беларусі) і выступы аўтараў дыску і ўкладальнікаў 1100-старонкавай кнігі прац Адама Станкевіча. У ліку апошніх - філёзаф Валер Булгакаў і гісторык Алесь Пашкевіч.