У Горадні адкрыўся музэй гісторыі пажарнай службы

У Горадні адкрыўся музэй гісторыі пажарнай службы, які знаходзіцца ў гістарычнай забудове на вул. Замкавай. Разам зь ім для наведнікаў стала даступнай старая вежа, зь якой калісьці назіралі за пажарамі. Яе адрамантавалі толькі цяпер.

Пажарная вежа і дэпо, у якім месьціцца музэй

На адкрыцьцё прыехаў міністар надзвычайных сытуацыяў Энвер Барыеў.

Музэй гарадзенскай пажарнай службы адкрыўся ў самым старым дэпо, якое побач з каланчой, якая вядомая па старых паштоўках. Дарэчы, на ёй ёсьць памятная шыльда, напісана, што вежа зьяўляецца гісторыка-культурнай спадчынай, пабудавана ў ХІХ стагодзьдзі.

Пасьля мітынгу на фасадзе дэпо якраз пад каланчой адкрылі панно, прысьвечанае гісторыі пажарнай службы.