Пачаўся збор сродкаў на помнік у гонар 1000-годдзя Берасця

Аддзел ідэалагічнай працы Брэсцкага гарвыканкама налета мае адчыніць помнік падзеі, якая будзе адзначацца праз адзінаццаць гадоў - 1000-годдзю горада. Упершыню Берасьце было згаданае ў Іпацьеўскім летапісе пад 1019 годам.

Грошы на помнік ужо збіраюць: адкрыты дабрачынны рахунак у банку, інфармацыяй поўняцца афіцыйныя СМІ, у горадзе распаўсюджаныя рэкламкі.

Кіраўнічка ідэялагічнага аддзела Ала Старыкевіч так патлумачыла прычыну ўстаноўкі помніка за дзесяцігоддзе да юбілею:

"Чаму за 10 гадоў да юбілею? Бо якраз ідзе рэканструкцыя цэнтральнай часткі горада, і што - потым перарабляць? Больш важна, што помнік будзе народны, бо даюць на яго грошы ўсе".

Галоўны архітэктар Брэста Алег Ляшук паведаміў, што каштарыс яшчэ не гатовы, і назваў прыблізны кошт помніка: блізу 4 млрд. беларускіх рублёў.

Як стала вядома карэспандэнту “Еўрарадыё”, грошы актыўна збіраюць у калектывах прадпрыемстваў і ўстановаў.

Юльян Навумік, Брэст
Крыніца: "ЕЎРАПЕЙСКАЕ РАДЫЁ ДЛЯ БЕЛАРУСІ"

Дата публікацыі: 07.11.2008

Жыве Беларусь

Гістарычны каляндар:
7 студзеня 1897Нарадзіўся Язэп Адамовіч

Беларускі дзяржаўны дзеяч, прэм'ер-міністр (1924–1927)…

8 студзеня 1919Абвяшчэнне Менска сталіцай БССР

Менск (Мінск) — сталіца Беларусі, адміністрацыйны цэнтар Менскай вобласці і Менскага раёну. Горад зьяўляецца палітычным, эканамічным, сацыяльным, транспартным, культурным і навуковым цэнтрам рэспублікі.…

Увесь спіс падзей
Пошук па сайце: Эксклюзіў на сайце

Гісторыя - настаўніца жыцьця

Historia magistra vitae

(Марк Тулій)

Што ёсць гісторыя, як не байка, у якую дамовіліся паверыць

(Напалеон Банапарт)

Раім наведаць